“ММНБИ” болон “Мэргэшсэн нягтлан бодогч” сонины редакцаас санхүү, бүртгэлийн мэргэжлийн оюутнуудын дунд зохион байгуулсан мэргжлийн “Орчуулгын уралдаан”-ы II шатанд 5-н сургуулийн 18 оюутан оролцсоноос Мандах Бүртгэл Их Сургуулийн НББ-Англи хэл 5-р курсын оюутан М.Болорчимэг II байр, болон амжилттай оролцсон Ц.Дуламсүрэн/НББ-Англи хэл V/, М.Мөнгөншагай/НББ-Англи хэл IV/, А.Энхтөр, Э.Тэмүүлэн/НББ-Татвар II/, А.Мичидмаа/НББ-Аудит IV/ нартаа баяр хүргэе.
МИДСК-аас 2017-2018 оны хичээлийн жилд аймаг орон нутагт элсэлтийн үйл ажиллагааг зохион байгуулах нийт 22 салбар комисс ажилласан бөгөөд эдгээр салбар комиссын ажлыг 6 үзүүлэлтээр дүгнэж эхний 3 байрт шалгарсан салбар комисст “МИШЭЭЛ ЭКСПО ХХК”-ийн нэрэмжит батламж олгов.
1-р курсын оюутнуудын дунд жил бүр уламжлал болгон зохион байгуулагддаг “Оюутны урлагийн наадам” 2017 оны 10 сарын 14-ны өдөр Улаанбаатар чуулгын Урлаг танхимд амжилттай болж өндөрлөлөө.
Дэлхийн багш нарын 23 дах, Монголын багш нарын 51 дэх өдөр болон тус сургууль Их сургууль болсон анхны багш нарын баярын арга хэмжээг 2017 оны 10 сарын 05-ны өдөр ёслол төгөлдөр тэмдэглэн өнгөрүүллээ.
“Улаанбаатарт үйлдвэрлэв” дэд хөтөлбөрийн хүрээнд нийслэлийн Засаг даргын Тамгын газар, нийслэлийн Жижиг дунд үйлдвэрийг дэмжих төв /НӨҮГ/ хамтран Улаанбаатар хотод явуулж буй ЖДҮ-үүдэд тулгамдаж буй асуудлуудыг тодорхойлох, түүнийг оновчтойгоор шийдэх гарцуудыг нээн илрүүоэх болон судалгаа, эрдэм шинжилгээний ажлыг үнэлэх зорилгоор “Жижиг дунд үйлдвэрлэлийг хөгжүүлэх арга замууд” сэдэвт ОЭШХуралыг Монголын их дээд сургуулиудын дунд зохион байгууллаа.
Монгол-Хятадын 2 дахь удаагийн экспо ӨМӨЗО-ны Хөх хотод 2017 оны 09 сарын 26-29 өдрүүдэд зохион байгуулагдлаа. Тус экспогийн хүрээнд Торгоны зам дагуух орнуудын боловсролын салбарын хамтын ажиллагаа, хөгжлийн асуудлаарх гадаад, дотоодын их, дээд сургуулийн захирлуудын форумд Мандах Бүртгэл Их Сургуулийн Санхүү, хөгжлийн бодлого эрхэлсэн дэд захирал С.Энхтүвшин, Сургалтын хөтөлбөр эрхэлсэн дэд захирал Доктор, дэд профессор Ч.Төрбадрах нар оролцоод ирлээ. Энэхүү форумд Монголын талаас БСШУСЯ-ны сайдын үүрэг гүйцэтгэгч Г.Чулуунбаатар, Яамны газрын дарга болон мэргэжилтнүүд, төрийн болон хувийн хэвшлийн 14 их, дээд сургуулийн захирлууд оролцлоо.
Манай сургууль эх орныхоо хөгжил, ард иргэдийнхээ эрүүл мэндийн төлөө өөрсдийн хувь нэмрээ оруулж байгаа Гацуурт компанийн хамт олонтой хамтран ажиллаж байгаадаа баяртай байна.
Мандах Бүртгэл Дээд сургуулийн үүсэн байгуулагдсны 25 жилийн ой энэ жил тохиож байна. Манай сургуулийн салбар, тэнхим, нэгж бүхэн 25-н жилийн ойгоо угтан 25 шинэлэг бүтээлч ажлуудыг төлөвлөн амжилттай хэрэгжүүлсээр байна.
Мандах Бүртгэл Их сургуулийн 26 дах удаагийн буюу 2017-2018 оны хичээлийн шинэ жилийн нээлт 2017 оны 09 сарын 04-ны өдөр ёслол төгөлдөр боллоо.
Их сургуульд тавигдах шаардлага шалгуурыг хангасан тухай, холбогдох байгууллага ажлын хэсгийн дүгнэлтийг үндэслэн манай сургуулийг “Их сургууль”-ийн ангилалд хамруулах тухай БСШУС-ын сайдын 2017.07.28-ны өдрийн тушаалыг БСШУСЯ-ны Дээд боловсролын газрын даргын үүрэг гүйцэтгэгч Амаржаргалан, ахлах мэргэжилтэн Батсайхан, Баяр, Энхээ нар сургуулийн удирдлагад 8 сарын 3-нд гардууллаа. Тушаалд заасны дагуу манай сургууль 2017.08.01-ний өдрөөс эхлэн “ИХ СУРГУУЛЬ” боллоо.
Мандах бүртгэл дээд сургууль 25-н жилийн ойгоо тохиолдуулан “Мандах-2017” Олон улсын эрдэм шинжилгээний III бага хурлыг ММНБИ –тэй хамтран 2017 оны 05 дугаар сарын 26-27 өдрүүдэд Corporate Hotel –ийн хурлын танхимд амжилттай зохион байгууллаа.
Мандах Бүртгэл дээд сургуулийн үе үеийн төгсөгчдийн уламжлалт уулзалт, онол практикийн семинар 2017 оны 6 сарын 3-ны өдөр Корпорейт зочид буудлын Улаанбаатар хурлын танхимд амжилттай болж өндөрлөлөө.
Мандах Бүртгэл Их Сургууль, БНСУ-ын Кёнги их сургуулийн хооронд хамтран ажиллах гэрээнд гарын үсэг зурлаа.
“Мандах Бүртгэл” дээд сургуулийн үүсгэн байгуулагдсны 25 жилийн ой, 22 дахь удаагийн төгсөлтийн баяр ёслол төгөлдөр болж, тус сургуулийг Нягтлан бодох бүртгэл, Мэдээллийн технологийн мэргэжлээр төгссөн оюутнууд Бакалаврын зэргийн диплом, энгэрийн тэмдэгээ гардан авч ажил амьдралын гараагаа эхэллээ. Төгсөлтийн баярын хүндэтгэлийн арга хэмжээ Монголын Үндэсний АСА циркэд 2017 оны 05 сарын 08-ны өдөр болж Ёслолын үйл ажиллагааг Ерөнхий захирал профессор Г.Нанжид нээж үг хэллээ
Мандах Бүртгэл дээд сургуулийг Үүсгэн байгуулагч Б.Сандагсүрэнгийн нэрэмжит Статистикийн анхдугаар олимпиад тус сургуулийн төв байранд 04 сарын 30-ны өдөр амжилттай зохион байгуулагдлаа.
