ШҮҮХИЙН ШИЙДВЭР ГҮЙЦЭТГЭХ ЕРӨНХИЙ ГАЗАРТАЙ ХАМТРАН АЖИЛЛАХ ГЭРЭЭНД ГАРЫН ҮСЭГ ЗУРЛАА

Мандах их сургууль болон Шүүхийн шийдвэр гүйцэтгэх ерөнхий газар (ШШГЕГ) – ын хооронд хамтран ажиллах гэрээг ШШГЕГ - ын байранд 2025 оны 5 – р сарын 5 – ны өдөр байгууллаа.     

Тус гэрээний зорилго нь Шүүхийн шийдвэр гүйцэтгэх байгууллагад шаардагдах боловсон хүчнийг бэлтгэх, тэдний карьер өсөлтийг дэмжих, чадавхжуулахад чиглэсэн магистр, бакалавр болон  зэргийн бус  сургалтын хөтөлбөрт хамруулах үйл ажиллагааг зохион байгуулж, боловсролын чанартай үйлчилгээ үзүүлэхэд оршино.

Тус гэрээний хүрээнд талууд дараах чиглэлээр хамтран ажиллахаар тохиролцов. Үүнд:     

1. ШШГЕГ – т мэргэжилтэй боловсон хүчин бэлтгэх сургалт, семинарыг төлбөрийн хөнгөлөлттэй нөхцөлөөр зохион байгуулах;   
2. Хоёр талын хамтын ажиллагааг сурталчлах чиглэлээр харилцан дэмжлэг туслалцаа үзүүлж ажиллах;
3. Гэрээгээр суралцагсадад онолын мэдлэгээ практикт бататгах зорилготой үйлдвэрлэлийн дадлага хийхэд нь талууд зохих ёсны туслалцаа үзүүлэх;
4. Суралцагчдад эрдэм шинжилгээний хурал, сургалт, семинар, хэлэлцүүлэг зохион байгуулахад хамтран ажиллах, дэмжлэг үзүүлэх;
5. Шаардлагатай судалгаа шинжилгээний ажил, төсөл хөтөлбөр хэрэгжүүлэх тус тус чиглэлээр хамтран ажиллана.   

Тус үйл ажиллагаанд Мандах их сургуулийн ректор Г.Нанжид, сургалт эрхэлсэн проректор Ч.Төрбадрах, хамтын ажиллагаа хариуцсан ажилтан Б.Чинбат мөн нөгөө талаас ШШГЕГ – ын захиргааны удирдлагын газрын дарга, хурандаа Г.Цэргийнхүү, Санхүү, үйлдвэр, хөрөнгө оруулалтын газрын дарга, дэд хурандаа Т.Өнөртуяа нар байлцлаа.