“МОНГОЛЫН ТЭЭВЭР ЛОГИСТИКИЙН ТҮНШЛЭЛ МЭРГЭЖЛИЙН ХОЛБОО” ТББ-ТАЙ ХАМТЫН АЖИЛЛАГААНЫ ГЭРЭЭ БАЙГУУЛЛАА

Мандах их сургуулийн төв байранд 2025 оны 2 – р сарын 7 – ны өдөр “Монголын тээвэр логистикийн түншлэл мэргэжлийн холбоо” ТББ болон Мандах их сургуулийн хооронд хамтын ажиллагааны гэрээ байгууллаа.

Тус үйл ажиллагаанд “Монголын тээвэр логистикийн түншлэл мэргэжлийн холбоо” ТББ – г төлөөлж ерөнхийлөгч А.Мөнхболд, гүйцэтгэх захирал Э.Удвал, Мандах их сургуулийг төлөөлж ректор Г.Нанжид, сургалт эрхэлсэн проректор Ч.Төрбадрах, ахлах багш доктор   Б.Сайнжаргал, хамтын ажиллагаа хариуцсан ажилтан Б.Чинбат тэргүүтэй төлөөлөл байлцлаа.  

Талууд тус гэрээний хүрээнд тээвэр логистикийн чиглэлээр хамтарсан сургалт зохион байгуулах, судалгаа шинжилгээ явуулах, төсөл хөтөлбөр хэрэгжүүлэх чиглэлээр дараах байдлаар хамтран ажиллана. Үүнд:   

• Тээвэр, логистикийн салбарт тулгамдаж буй асуудлаар хамтарсан хурал, зөвлөгөөн, хэлэлцүүлэг зохион байгуулах;
• Тээвэр логистикийн салбарын боловсон хүчнийг бэлтгэх, чадавхжуулах, мэргэшүүлэх болон давтан сургалт зохион байгуулах;
• Салбарын мэргэжилтэн бэлтгэж буй сургалтын хөтөлбөрийг сайжруулах, сурталчлан таниулах чиглэлээр хамтран ажиллах;  
• Тээвэр, логистикийн салбарт хийгдсэн судалгааны ажлын материал, мэдлэгийг харилцан солилцох;
• Хамтарсан эрдэм шинжилгээ, судалгааны ажил хийх, төсөл хөтөлбөр хэрэгжүүлэх;
• Хамтын үйл ажиллагааны талаарх мэдээллийг тухай бүрд нь олон нийтэд түгээн мэдээлэх зэрэг ажлын хүрээнд тус тус хамтран ажиллана.