МАНДАХ ИХ СУРГУУЛЬ БОЛОН КАЗАХ-БРИТИШ ТЕХНИКИЙН ИХ СУРГУУЛИЙН ХООРОНД ОЮУТАН СОЛИЛЦООНЫ ГЭРЭЭ БАЙГУУЛЛАА

Мандах их сургууль болон Казах-Бритиш Техникийн их сургуулийн хооронд өмнө 2024 оны 4-р сарын 16-нд  доорх чиглэлээр ажиллахаар санамж бичиг байгуулж байсан. Үүнд:

• Багш, оюутан солилцооны хөтөлбөр хэрэгжүүлэх,
• Богино хугацааны танилцах айлчлалыг зохион байгуулах,
• Зочин багшийг  урьж, лекц уншуулах,  харилцан туршлагаа хуваалцах,
• Эрдэм шинжилгээ, судалгааны төсөл хөтөлбөрийг хамтран боловсруулах,
• Докторант оюутнуудын судалгааны   ажлыг хамтран удирдах,
• Хоёр орны үндэсний соёл, ёс заншлаас харилцан суралцах зэрэг ажлуудыг хамтран хэрэгжүүлэх.

Энэ удаад оюутан солилцооны гэрээнд гарын үсэг зурах ёслолын үйл ажиллагаа Мандах их сургууль дээр боллоо.    

Мандах их сургуульд болсон уг үйл ажиллагаанд Бүгд Найрамдах Казахстан Улсын Казах- Бритиш Техникийн их сургуулийн олон улсын газрын захирал Бекнур Стибаев тэргүүтэй төлөөлөл болон  Мандах их сургуулийн сургалт эрхэлсэн проректор Ч.Төрбадрах тэргүүтэй төлөөлөгчид 2025 оны 2 – р сарын 4 – ний өдөр байлцлаа.   

Энэхүү оюутан солилцооны гэрээг байгуулснаар хоёр байгууллагын хамтын ажиллагаа өргөжиж,  оюутнууд 1-2 улирлын хугацаанд Англи хэлээр хичээл судлах, цаашлаад багш  солилцоо хийгдэх, эрдэм шинжилгээний судалгааны ажлаар туршлага солилцох мөн санамж бичигт заагдсан бусад ажлын хүрээнд хамтран ажиллах боломж бүрдэж байгаа юм.