МАНДАХ ИХ СУРГУУЛЬД БОЛОВСРОЛЫН БАЙГУУЛЛАГЫН МЕНЕЖМЕНТИЙН ТОГТОЛЦООНЫ ISO21001:2018 СТАНДАРТЫГ НЭВТРҮҮЛСЭН САЙН ТУРШЛАГА ХУВААЛЦАХ УУЛЗАЛТ ЗОХИОН БАЙГУУЛЛАА

        Мандах ИС-ийн ББМТ-ны ISO21001:2018 стандартын шалгуур шаардлага, баталгаажуулалтын талаар мэдээлэл хүргэх,  түүнийг нэвтрүүлэх арга зам, хэрэгжүүлж буй сайн туршлага, ач холбогдолын талаар мэдлэгээ хуваалцах зорилготой үйл ажиллагааг ЧУЗА-аас зохион байгууллаа. Энэхүү үйл ажиллагаанд Олон улсад хүлээн зөвшөөрөгдсөн тохирлын үнэлгээний “Эс Эф Си Эс” ХХК, Стандартын зөвлөх үйлчилгээний AMU консалтинг компаниуд дэмжин оролцлоо.  ОУ-ын ISO21001 стандартын чиглэлээр сонирхолтой, практик ач холбогдолтой, чанарын баталгаажуулалтын шинэ санааг дэвшүүлсэн, орчин үеийн чиг хандлагын талаар мэдээлэл хүргэсэн илтгэлүүд хэлцэгдэв. Үүнд:

1. “Менежментийн тогтолцооны стандартын тухай” сэдвээр  - АMU консалтинг компани захирал, тэргүүлэх аудитор Д.Дуламсүрэн
2. Мандах ИС-ийн ББМТ-ны ISO21001:2018 стандартыг нэвтрүүлсэн туршлага, ач холбогдол – Чанарын удирдлага зохицууллатын албаны дарга П.Болормаа
3. “ ISO 21001 стандарт ба Боловсролын магадлан итгэмжлэл” - G2G сургалтын төвийн ISO 21001 стандартын тэргүүлэх аудитор, сургагч багш, зөвлөх Ж.Тунгалаг
4. Стандартын баталгаажуулалтын үйл ажиллагаа, түүний онцлог – “Эс Эф Си Эс” ХХК-ийн гүйцэтгэх захирал ISO9001 стандартын тэргүүлэх аудитор Г.Ундаръяа

        Энэхүү уулзалт, семинарт 21 их, дээд сургуулийн удирдлага, чанарын баталгаажуулалтын хариуцсан мэргэжилтэн, арга зүйч, багш 46  хүн хүрэлцэн ирж, оролцогчид сэтгэл ханамжтай үр дүнтэй үйл ажиллагаа боллоо.