Мандах Их сургуулийн 30 жилийн ойн хүрээнд ЭЗБТ-с “Тогтвортой, хүртээмжтэй хөгжил” сэдэвт оюутны эрдэм шинжилгээний хурал зохион байгууллаа. Энэхүү хурал нь үндсэн 2 үе шаттай зохион байгуулагдаж, 2-р шатанд Мандах ИС, СЭЗИС, ХААИС, ХУИС, ШУТИС, McGill гэсэн нийт 6 сургуулийн 12 илтгэл шалгарч 2022.04.22-ны өдөр танхим, болон цахим хослуулан илтгэлийг хэлэлцүүлэн шилдгүүдийг тодрууллаа.
Мандах ИС-ийн ахисан түвшний захирал, доктор профессор С.Цолмон хурлын үйл ажиллагааг албан ёсоор нээж, нийт оролцогч нарт амжилт хүслээ. Хурлын үйл ажиллагааг дэмжиж жил бүр гаднын нэр хүндтэй, тэргүүлэх их сургуулиудын доктор багш нар, мэргэжлийн байгууллагын судлаач, мэргэжилтнийг урьж оролцуулдаг онцлогтой. Энэ удаагийн хурлын үйл ажиллагааг дэмжиж дараах багш нар шүүгчээр оролцлоо.
Энэ удаагийн хурлын нэг онцлог нь танхим болон цахим хослон зохион байгуулагдсан нь дотоодын төдийгүй гадаад сурч буй оюутнууд өөрсдийн эрдэм шинжилгээний ажлын бүтээлээрээ оролцох боломжтой явдал байсан юм. Мөн шүүлтийн үнэлгээний шалгуур үзүүлэлтүүдэд томоохон өөрчлөлт оруулсан бөгөөд зохиогчийн эрхийн зөрчилгүй, бусад судлаачийн санааг шууд болон дам давтахгүй байх чиглэлд анхаарч илтгэл тус бүрийн хуулбарлалтыг шалган үнэлгээнд тусгасан явдал юм. Түүнчлэн шүүгч багш нар өөрсдийн сургуулийн оюутнуудын илтгэл дээр оноо тавихгүй байхаар зохион байгуулалтыг хийсэн нь хурлын шүүлтийн үйл ажиллагааны бас нэг онцлог байв.
Шүүгчдийн нэгдсэн үнэлгээгээр дараах илтгэлүүд шилдэг илтгэлээр шалгарч, өргөмжлөл мөнгөн шагналын эзэн боллоо.
Хурлын төгсгөлд Мандах ИС-ийн ЭЗБТ-ийн эрхлэгч С.Мөнхцэцэг болон шүүгч нарын төлөөллүүд нийт илтгэгч нарт хандаж судалгааны ажлын ололт амжилт, цаашид анхаарч сайжруулах чиглэлд үнэт зөвлөгөөг өгөхийн зэрэгцээ жил ирэх тусам илтгэлийн чанар, чансаа, ач холбогдол өндөр болж байгааг онцолж сайшаалаа.
Амжилттай оролцсон нийт оюутнуудад эрдэм судлалын ажилд нь өндөр амжилтыг хүсэн ерөөе.
СУРГУУЛИЙН ЗАХИРГАА
