Олон улсын тэмцээнд амжилттай оролцлоо

A- A A+
Олон улсын тэмцээнд амжилттай оролцлоо

ACBSP-ийн гишүүн орнуудын бизнес, эдийн засгийн сургуулийн оюутан, суралцагчдын дунд уламжлал болгон зохион байгуулагддаг бизнес кейс тэмцээнийг Энэтхэгийн Шинэ Дели хотод байрлах Перегрин Глобал Сервис байгууллагын түнш SEAA Trust байгууллага 5 дахь жилдээ амжилттай зохион байгуулсан бөгөөд уг тэмцээнд Мандах их сургууль анх удаа оролцлоо.

Уг тэмцээн 2021 оны 9-р сарын 15-с 11-р сарын 27-ны хооронд   3 н үе шаттайгаар, цахим хэлбэрээр зохион байгуулагдсан.

Тэмцээний 1-р шатанд дараахи сэдвүүдээр  2500 үгтэй эссэ бичлэгийн уралдаан зохион байгуулагдсанаас 70 гаруй сургуулийн баг 2-р шатанд шалгарч үлдсэн.

  1. Teaching technology for non- technology students
  2. Building an attitude for life long learning
  3. Ease of use of  digital learning strategies and tools
  4. External  digital expert involvement in teaching and learning
  5. Learning from Global MBA experience in Digital era )

2-р шатанд багууд  Перегрин Глобал Сервисийн Business School Resource center-ээс сонгогдсон кейсийн дагуу асуудлыг шийдвэрлэн 15 минутын хугацаатай илтгэлийг видео хэлбэрээр бэлтгэж оролцсон бөгөөд шилдэг 12 илтгэлийг шалгаруулсанаас Мандах их сургуулийн баг мөн амжилттай оролцож 3-р шатанд оролцох болзлыг хангасан.

3-р шатанд шилдэг 12 багийн хүрээнд кейсийн дагуу танилцуулга хийж, асуултанд хариулах байдлаар цахим хурал явагдаж шилдэг илтгэл бүхий багуудыг шалгаруулсан бөгөөд 3-н тэмцээний нийлбэр оноогоор:

  • 1-р байранд Отгонтэнгэр Их Сургууль
  • 2-р байранд  Kettering University, АНУ
  • 3-р байранд Мандах Их Сургууль тус тус эхний 3-н байрыг эзэллээ.

Мандах Их Сургуулийг төлөөлөн оролцсон Санхүү менежментийн хөтөлбөрийн 4-р дамжааны оюутан Х.Гүлнур, Нягтлан бодох бүртгэл-статистикийн хөтөлбөрийн 4-р дамжааны оюутан Г.Энхжин, Нягтлан бодох бүртгэл- англи хэлний хөтөлбөрийн 4-р дамжааны оюутан Б.Очирхуяг болон багаа удирдан оролцсон Б.Сайнжаргал, М.Жанузах багш нартаа баяр хүргэж цаашдын эрдмийн ажилд нь өндөр амжилт хүсье.

 

Та энэхүү линк хаягаар орж дэлгэрэнгүй мэдээллийг авч болно https://www.seaastandards.org/instant-case-workshop-2021