Ахисан түвшний сургуулийн гадаад харилцаа, хамтын ажиллагаа

Мандах их сургуулийн Ахисан түвшний сургууль нь олон улсын боловсролын стандарт, дэлхийн жишигт нийцсэн магистр, докторын хөтөлбөрүүдийг хэрэгжүүлж, дэлхийд өрсөлдөх чадвартай эрдэмтэн судлаачид, стратегийн удирдагчдыг бэлтгэхийг зорин ажиллаж байна. Бид гадаад харилцаагаа тасралтгүй өргөжүүлэн, дэлхийн тэргүүлэх их дээд сургуулиуд болон олон улсын мэргэжлийн байгууллагуудтай хамтарсан хөтөлбөр, эрдэм шинжилгээний төслүүдийг амжилттай хэрэгжүүлж байна.

 

Олон улсын хамтарсан хөтөлбөрүүд

  • Швейцарийн Эдийн засаг, технологийн их сургууль (OUS Royal Academy of Economics and Technology): Мандах Их Сургууль нь тус сургуультай хамтран бакалавр болон магистрын түвшинд Хос диплом олгох хөтөлбөр-ийг хэрэгжүүлж байна. Суралцагчид санхүү, банк, бизнесийн удирдлага, программ хангамж зэрэг чиглэлээр мэргэжлийн хичээлүүдийг англи хэл дээр судалж, европын боловсролын стандартаар хос дипломтой төгсөх боломжтой.
  • БНСУ-ын Хансонг их сургууль (Hansung University): Тус сургуультай байгуулсан хамтын ажиллагааны гэрээний хүрээнд Бизнесийн удирдлага болон График дизайны бакалаврын чиглэлээр 2+2 мөн бизнес удирдлагын магистрын чиглэлээр 1+1 хамтарсан хөтөлбөр, оюутан солилцооны үйл ажиллагааг амжилттай хэрэгжүүлж байна. Энэхүү хөтөлбөр нь суралцагчдад Азийн тэргүүлэх боловсролыг эзэмших, олон улсын орчинд дадлагажих боломжийг олгодог.  
  • International American University (IAU, АНУ): АНУ-ын Калифорни муж улсын Лос Анжелес хотод байрлах тус сургуультай хамтран Бизнесийн удирдлагын "Доктор"-ын хамтарсан хөтөлбөрүүдийг хэрэгжүүлдэг.  

 

Олон улсын мэргэжлийн зэрэг, цол олгох хөтөлбөр

  • Chartered Management Institute (CMI) – Мэргэшсэн менежерийн сургалт: Мандах их сургууль нь Их Британи, Умард Ирландын Нэгдсэн Хаант Улсын Мэргэшсэн Менежментийн Институт (CMI) болон "BBE Training" сургалтын төвтэй хамтран олон улсад хүлээн зөвшөөрөгдөх “Chartered Manager (CMgr) – Мэргэшсэн менежер” цол горилох, стратегийн менежмент, манлайллын богино болон дунд хугацааны хөтөлбөрүүдийг албан ёсны эрхтэйгээр зохион байгуулж байна. Хөтөлбөрт дотоод, гадаадын (БНСУ гэх мэт) бизнесийн аялал, практик сургалтууд багтдаг.

 

Эрдэм шинжилгээ, инновацын олон улсын индекс

  • CROSSREF – ийн DOI индексжүүлэлт: Мандах их сургуулиас эрхлэн гаргадаг “Мандах эрдэм” эрдэм шинжилгээний сэтгүүл нь олон улсын Crossref байгууллагын DOI (Digital Object Identifier) индекстэй дугаар олгох эрхийг авсан. Энэхүү дэвшил нь манай багш, судлаачид, ахисан түвшний суралцагчдын эрдэм шинжилгээний бүтээлүүдийг дэлхийн шинжлэх ухааны эргэлтэд оруулах, олон улсын хэмжээнд үнэлэгдэх, ишлэгдэх боломжийг бүрэн нээж өгсөн юм.