- Магистант, доктрантын эрдэм шинжилгээ, судалгааны ажлын шилдэг 1 илтгэлийг шалгаруулж Мандах их сургуулийн тухайн жилийн сургалтын төлбөрийн доорхи хувьтай тэнцэх дүнтэй судалгааны тэтгэлэг олгоно.
Үүнд:
- Магистрантын шилдэг илтгэлд олгох судалгааны тэтгэлэг: 25 хувь
- Доктрантын шилдэг илтгэлд олгох судалгааны тэтгэлэг: 50 хувь

- Мандах ИС -д элсэж буй магистрант нь дараах нөхцөлүүдийг хангаж буй тохиолдолд сургалтын төлбөрийн тэтгэлэгт хамрагдана. Үүнд:
- Мандах ИС –ийн бакалаврын хөтөлбөрийн төгсөгчийн дипломын голч дүн 3.55 ба түүнээс дээш бол магистрын түвшинд элсэн суралцах үед хичээлийн жилийн эхний улирлын сургалтын төлбөрөөс 40 хувь
- Мандах ИС –ийн бакалаврын хөтөлбөрийн төгсөгчийн дипломын голч дүн 2.5 ба түүнээс дээш бол магистрын түвшинд элсэн суралцах үед хичээлийн жилийн эхний улирлын сургалтын төлбөрөөс 20 хувь
- Мэргэшсэн нягтлан бодогч зэрэгтэй элсэгч нь хичээлийн жилийн эхний улирлын сургалтын төлбөрийн 20 хувь
- Бакалаврын дипломын голч дүн 2.5 болон түүнээс дээш бөгөөд диплом бичиж хамгаалан төгссөн бол эхний улирлын сургалтын төлбөрөөс 30 хувь
- Бакалаврын дипломын голч дүн 3.7 болон түүнээс дээш бол хичээлийн жилийн эхний улирлын сургалтын төлбөрөөс 20 хувь
- Магистрант нь эхний хичээлийн жилд кредитээ бүрэн цуглуулж, 3.7 ба түүнээс дээш голчтой суралцсан тохиолдолд дараагийн улиралд ногдох сургалтын төлбөрөөс 10 хувь

-Судалгааны ажлыг санхүүжүүлэх, хэрэгжүүлэх, тайлагнах
1. Судалгааны тэтгэлэгт шалгарсан судлаач нь гэрээ байгуулж, захирлаар баталгаажуулснаар түүнийг хэрэгжүүлэх эрх нээгдэнэ.
2. Төслөөс гарах үр дүнтэй уялдуулан тэтгэлэгийн хэмжээ 10 сая хүртэлх төгрөг байна.
3. Судлаачийн судалгааны ажлын батлагдсан тэтгэлэгийн 70 хувийг судалгааны ажил эхлүүлэхэд, үлдсэн 30 хувийг үр дүнг тайлагнасны дараагаар дүгнэлтийг үндэслэн ажлын 5 хоногт багтаан олгох ба гэрээ байгуулах талаар оруулна.
4. Докторын дараах судалгаа гүйцэтгэж буй судлаач нь судалгааныхаа үр дүнгээр олон улсын хянан магадлагаа хийгддэг импакт фактор 1-ээс дээш бүхий үзүүлэлттэй мэргэжлийн сэтгүүлд тус их сургуулийн нэр дээр нэгдүгээр зохиогч эсвэл хамтарсан зохиогчийн нэрээр эрдэм шинжилгээний өгүүлэл хэвлүүлсэн байх шаардлагатай.
5. Эрдэм шинжилгээний өгүүлэл хэвлүүлсэн /4.3-т заасан/ бол багшийн хөдөлмөрийн нормын В цаг дутуу үед нөхөж тооцох ба илүү цагийг шилжүүлж тооцохгүй.
6. Тухайн гүйцэтгэж буй судалгааны ажлын сэдвийн хүрээнд олон улсын эрдэм шинжилгээний бага хуралд оролцож, аман илтгэл хэлэлцүүлсэн байна.
7. Төслийн дүнд бий болсон оюуны өмчийн эзэмшилтийн асуудлыг “Патентын тухай”, “Зохиогчийн эрх болон түүнд хамаарах эрхийн тухай” хуулиар зохицуулна.
8. Тэтгэлэг авсан судлаач өөрийн гүйцэтгэсэн туршилт, судалгаа инновацийн ажлын явц болон судалгааны зардлын зарцуулалтын тайланг боловсруулж, эрдмийн зөвлөлийн хуралдаанаар хэлэлцүүлнэ.
9. Судлаач нь хэлэлцүүлсэн тайланг ажлын хэсгийн дүгнэлтийн хамт 15 хоногийн дотор эрдэмтэн нарийн бичгийн дарга, санхүү, хангамж үйлчилгээний албанд хүлээлгэн өгсөн байна.
10. Судлаач гэрээнд тусгагдсан судалгааны ажлын үр дүнг бүрэн биелүүлээгүй тохиолдолд тэтгэлгээр авсан санхүүжилтийг гэрээнд заасны дагуу сургуулийн санхүүд буцаан төлнө.