ESG/БОНЗ-ЫН СУУРЬ ҮНЭЛГЭЭГ ҮНЭЛЭХ ТӨСӨЛ ХЭРЭГЖҮҮЛЛЭЭ

Европын Сэргээн Босголт Хөгжлийн Банкны (EBRD) дэмжлэгтэйгээр “Монгол Улсын аж ахуйн нэгжүүдийн БОНЗ-ын гүйцэтгэлийг сайжруулах нь” төслийн хүрээнд бид Сургуулийнхаа  Байгаль орчин, Нийгэм, Засаглал (БОНЗ)-ын суурь үнэлгээг 2025 оны 12 дугаар сарын 21-нээс 2026 оны 4 дүгээр сарын 15-ны хооронд “Ризилиенс Консалтинг Сервис” ХХК-аар хийлгэж, хамтран ажиллалаа.

Энэхүү төсөлт ажлыг хэрэгжүүлсэнээр:

• Байгууллагын тогтвортой хөгжлийн гүйцэтгэл, удирдлагын тогтолцооны өнөөгийн төлөвшлийг үнэлж, стратегийн ач холбогдолтой нэн тэргүүнд анхаарах асуудлууд болон цаашдын урт хугацаанд үүсч болзошгүй БОНЗ-ын эрсдэлийг илрүүлэх;
• Их сургуулийн тогтвортой хөгжил, олон улсын стандартын шаардлагад нийцсэн менежментийн тогтолцоог илүү сайжруулах;
• БОНЗ-ын гүйцэтгэлийг сайжруулах замаар байгууллагын өрсөлдөх чадвар, нийгмийн хариуцлагыг дээшлүүлэх;
• БОНЗ-ын бодлого, стратеги төлөвлөлт илүү системтэй болж, эрсдэлийн удирдлага, ил тод байдал, оролцогч талуудын итгэлцэлд эерэг нөлөө үзүүлэх;
• Гадаад дотоодын байгууллагын хамтын ажиллагааг өргөжүүлэх;
• Аливаа төсөл хөтөлбөрт хамрагдах боломжийг нэмэгдүүлэх зэрэгт эерэг нөлөө үзүүлэх ач холбогдолтой ажил боллоо гэж талууд дүгнэлээ.

Сургуулийн захиргаа