Хөтөлбөрийн хорооны  зорилго нь Мандах ИС-ийн хэрэгжүүлж буй бүх түвшний  сургалтын хөтөлбөрүүдийг сургуулийн бодлого стратеги, шинжлэх ухааны хөгжлийн хандлага,  зах зээлийн эрэлт хэрэгцээтэй уялдуулж,  үндэсний болон олон улсын стандартуудад нийцүүлэн сайжруулах, шинээр хөтөлбөр боловсруулах, шинэчлэн өөрчлөлт оруулахад бодлогын зөвлөмж гаргах, хөтөлбөрүүдийн  хэрэгжилтэд үнэлэлт өгөх  удирдлага  арга зүйгээр   хангахад  оршино.

Хөтөлбөрийн хорооны бүтэц, үйл ажиллагааны бүдүүвч
 

ХӨТӨЛБӨРИЙН ХОРООНЫ ЧИГ ҮҮРЭГ

• Чиг үүргийн дагуу хэлэлцэж буй асуудлын талаар шинжлэх ухааны үндэслэлтэй мэргэжлийн үнэлгээ хийж, сургалтын үйл ажиллагааны чанар, стандартыг хангах, оюутны сурах үйл ажиллагааг идэвхжүүлэхэд анхаарна.
• Хөтөлбөрийн цагийн багтаамж, оюутны хичээл сонголт хийх арга зам, хувилбар болон тавигдах шаардлага, шалгуур үзүүлэлт зэрэг зохицуулалтын механизмыг нарийвчлан тогтоож, сургалтын албатай хамтран ажиллана.
• Сургалт явуулах шаардлагатай багшлах боловсон хүчний нөөц, чадавхыг дээшлүүлэх талаар сургуулийн багш, ажилтны хөгжлийн хороотой хамтран ажиллах, түүнчлэн ном сурах бичиг, номын сан болон анги танхимын хүртээмж зэргийг судлан, санал боловсруулж захиргааны зөвлөлд танилцуулж шийдвэрлүүлнэ.

ХӨТӨЛБӨРИЙН ДЭД ХОРОО, ХИЧЭЭЛИЙН БАГИЙН НИЙТЛЭГ ҮҮРЭГ

• Хөтөлбөрийн дэд хороо нь хичээлийн  багуудын шинэчилсэн болон шинээр боловсруулсан хичээлийн хөтөлбөр, тодорхойлолтыг хэлэлцэж, тавигдах шаардлага стандартыг хангаж буй талаар санал боловсруулна.
• Хамтарсан болон хос хөтөлбөртэй холбоотой асуудлыг хэлэлцэж, дундын хөтөлбөрийн дэд хороо байгуулах санал боловсруулж  хөтөлбөрийн хороонд уламжилна.
• Хичээлүүдийн хөтөлбөрийг боловсруулах,  хэрэгжүүлэх, үнэлэхэд хяналт тавина.
• Сургалтын төлөвлөгөөнд хөтөлбөрийн багуудаас ирүүлсэн саналуудыг нэгтгэн, дүгнэлтээ хөтөлбөрийн хороонд хүргүүлж хэлэлцүүлнэ.
• Тэнхимээс зааж буй хичээлийн тодорхойлолт, агуулгатай холбоотой саналаа хөтөлбөрийн хороонд хүргүүлнэ.
• Хөтөлбөрийн дэд хорооны ахлагч нар тэнхимийн багш нарт өгөх хөтөлбөрийн хорооны оноог тус журмын хавсралт №3-т заасан хүснэгтээр гарган нэгтгэж хөтөлбөрийн хороонд ирүүлнэ.
• Хичээлийн хөтөлбөрийн баг мэргэжлийн, мэргэшүүлэх, хамтарсан хөтөлбөр, сонгох болон шинээр заах хичээлүүдтэй холбоотой асуудлыг хэлэлцэж, саналаа холбогдох дэд хороонд уламжилна.
• Зааж буй хичээлийн агуулга, тавигдах шаардлага, стандарт, хүрэх үр дүнгийн талаар шинжилгээ хийж, санал боловсруулж хөтөлбөрийн дэд хороонд уламжилна.
• Зааж буй хичээлд ашиглагдах материал (лекц, семинар / дадлага / болон бие даалт...)шалгалт, тестийн болон видео сан зэрэг сургалтын баримт бичгийн багц бүрдүүлнэ.