Нягтлан бодох бүртгэл, Санхүү, Эдийн засгийн лаборатори

Тус лаборатори /А305 тоот/-т бизнесийн чиглэлийн хөтөлбөрүүдийн мэргэжлийн суурь болон мэргэжлийн хичээлүүдийг судалж, танхимаар олж авсан мэдлэгээ практикт буулгах дадлагуудыг лабораторит хийж бататгадаг.

Энэхүү лабораторит компьютерийн хэрэглээний Microsoft-ийн үндсэн програмуудаас гадна нягтлан бодох бүртгэл, санхүү, банк, бизнесийн удирдлага, маркетингийн мэргэжлийн дараах програмууд дээр сургалт, судалгааны ажил гүйцэтгэх боломжтой. Үүнд:

Интерактив Би Ай ХХК -ийнDiamond 5.0

Тус програмыг Монгол улсад үйл ажиллагаа явуулдаг томоохон групп компаниуд, худалдаа үйлдвэрлэл, зочид буудал ресторан, сургууль, барилга, уул уурхай гэх мэт үйл ажиллагааны чиглэлтэй олон компаниуд өргөнөөр ашиглаж байна.

Энэхүү програмыг нягтлан бодох бүртгэлийн мэргэжлээр сурч байгаа оюутнуудад нийт 64 цагийн хичээлээр заадаг ба ажил гүйлгээг програм ашиглан бүртгэж санхүүгийн тайлангуудыг бэлтгэж сурна.

Нягтлан бодох бүртгэлийн мэдээллийн систем хичээл нь оюутанд мэргэжлийн суурь хичээлээ бататгах боломжийг олгодог илүү практик ач холбогдолтой хичээл юм.

 

Програмын боломжууд

  • Байгууллагын онцлогтоо тохируулан ашиглана.
  • Мөнгөн хөрөнгө, бараа материал, хангамжийн материал, үндсэн хөрөнгийн дэлгэрэнгүй бүртгэлүүдийг хөтөлж бүх төрлийн тайлан боловсруулна.
  • Тайлангууд дээр Drill Down тайлан буюу тайлангийн бүх дүн мэдээг хаанаас ямар үндэслэлээр гарч ирснийг задалж үзэх, засвар хийх боломжтой.
  • Барааны өртгийг компанийн хэмжээнд болон байршил, данс бүрээр тооцно.
  • Нярав, нягтлан бодогч нар ажил гүйлгээгээ өөрсдийн ажил үүргийн хуваарийн дагуу тус тусдаа бүртгэж, ажил гүйлгээгээ дор бүр нь хянан алдаагаа олох боломжтой.
  • Бүх төрлийн валютаар бүртгэл хөтөлж шаардлагатай тайлангуудыг валютаар гаргана.
  • Төлбөр төлөх хугацааны мэдээлэл гарч авлагын насжилтын тайлан боловсруулна.
  • Үндсэн хөрөнгийн бүртгэл, картлалт, элэгдэл, дахин үнэлгээ зэрэг бүх бүртгэлийг хөтөлнө.
  • Шаардлагатай гүйлгээ, мэдээллийг Excel, XML файлуудаас татан авах, бүх тайлан мэдээллүүдийг word, excel, XML, PDF, зураг гэх мэт хэрэглээний програм руу хөрвүүлэн авах боломжтой.
  • Авлагатай холбоотой насжилт болон төлөгдөх хугацааны мэдээлэл авснаар авлага цуглуулах хугацааг багасгана
  • Бараа материалтай холбоотой дэлгэрэнгүй мэдээллийг авснаар барааны борлуулалтыг сайжруулах, хадгалах хугацаа дуусахаас өмнө борлуулалтыг идэвхжүүлэх боломжоор хангагдана
  • Бараа бүрээс олж буй ашгийг харж харьцуулах боломжтой
  • Үндсэн хөрөнгийн дэлгэрэнгүй бүртгэл хөтөлснөөр хөрөнгийн өгөөж, ашиглалтыг дээшлүүлнэ
  • Өртгийн төв тус бүрээр орлого зарлагыг нарийн бүртгэснээр ашиг алдагдлаа тооцоолно
  • Удирдлагын хяналтын системтэй уялдан ажиллаж, оновчтой шийдвэр гаргахад тусладаг
  • Ажил үүргийн хуваарийн дагуу ажлаа хийхэд хялбар, бие биенийхээ хийсэн гүйлгээнд нөлөөлөхгүй өөр хүнээс хамаарч хүлээлт үүсэхгүй

 

Artlab cloud system

Тус програмыг төгсөх курсын оюутнууд кейс дадлагын хүрээнд судалдаг бөгөөд орчин үед техник технологийн хөгжлийг дагаад суурин програмын хэрэглээ буурч, үүлэн технологид суурилсан санхүүгийн програмын хэрэгцээ нэмэгдэж байгаа билээ. Иймээс бид төгсөгчиддөө онлайнд ажиллах боломжтой дээрх програмыг заадаг юм. Манай улсад ийм төрлийн програмын тоо нэмэгдэж байгаа бөгөөд санхүүгийн програмын ажиллах суурь зарчим адил учраас аль нэг програм дээр ажиллах мэдлэг, ур чадвартай байхад бусад програмтай төвөггүй ажиллах боломжтой.

 Програмын боломжууд

  • Үүлэн технологит суурилсан учраас хаана ч ажил гүйлгээг цаг алдалгүй бүртгэх боломжтой. Ажил, гэр, амралт гээд хэдийд хаанаас хандах боломжтой. Танд зөвхөн интернэтэд холбогдсон компьютер байхад хангалттай.
  • Байгууллагын онцлогтоо тохируулан ашиглана.
  • Мөнгөн хөрөнгө, бараа материал, хангамжийн материал, үндсэн хөрөнгийн дэлгэрэнгүй бүртгэлүүдийг хөтөлж бүх төрлийн тайлан боловсруулна.
  • Барааны өртгийг компанийн хэмжээнд болон байршил, данс бүрээр тооцно.
  • Бүх төрлийн валютаар бүртгэл хөтөлж шаардлагатай тайлангуудыг валютаар гаргана.
  • Төлбөр төлөх хугацааны мэдээлэл гарч авлагын насжилтын тайлан боловсруулна.
  • Үндсэн хөрөнгийн бүртгэл, картлалт, элэгдэл, дахин үнэлгээ зэрэг бүх бүртгэлийг хөтөлнө.
  • Авлагатай холбоотой насжилт болон төлөгдөх хугацааны мэдээлэл авснаар авлага цуглуулах хугацааг багасгана
  • Бараа материалтай холбоотой дэлгэрэнгүй мэдээллийг авснаар барааны борлуулалтыг сайжруулах, хадгалах хугацаа дуусахаас өмнө борлуулалтыг идэвхжүүлэх боломжоор хангагдана
  • Үндсэн хөрөнгийн дэлгэрэнгүй бүртгэл хөтөлснөөр хөрөнгийн өгөөж, ашиглалтыг дээшлүүлнэ
  • Ажил үүргийн хуваарийн дагуу ажлаа хийхэд хялбар, бие биенийхээ хийсэн гүйлгээнд нөлөөлөхгүй өөр хүнээс хамаарч хүлээлт үүсэхгүй

Power BI 

Уг програм байгууллагын санхүүгийн ялгаатай өгөгдлийг олон эх үүсвэрээс татан холбоход тусалж, өгөгдлийг нэг загварт хувиргаж, цэвэрлэж, диаграм эсвэл график үүсгэн дүрслэх боломжтой болгодог. Томоохон байгууллагууд санхүүгийн үйл ажиллагаандаа хэрэглэх болсон.

R 

Статистик тооцоолол, графикийн хэл гэж тодорхойлогддог тус програм нь санхүү, эдийн засгийн судалгаанд, тоон мэдээлэлд боловсруулалт хийн, үр дүн гаргаж авахад ихээр ашиглагддаг.

Matlab 

Аж үйлдвэр, эрдэм шинжилгээний, мөн санхүүгийн салбарт гүнзгий сургалт, машин сургалт, дохио боловсруулах, харилцаа холбоо, дүрс, видео боловсруулах, хяналтын систем, туршилт, хэмжилт, санхүүгийн тооцоолол зэрэгт өргөн ашиглагддаг.

E-views 

Хугацаан цуваа, хөндлөн огтлол, хавтан зэрэг олон хэлбэрийн тоон мэдээлэлд ерөнхий статистик шинжилгээ хийх, эконометрик шинжилгээ хийж үр дүнг боловсруулах зориулалттай.

 

SPSS 

Тоон хэлбэрээр бус нийгмийн ухааны мэдээллийг багцлах, нарийн төвөгтэй статистик шинжилгээ хийж, үр дүнг гарган авах зориулалттай.

 


 

Нягтлан бодох бүртгэл, Санхүү, Эдийн засгийн лаборатори