Мандах Их Сургуулийн “Судлаач оюутан” баг 2-р байр эзэллээ.
Амжилттай илгээгдлэй! Баярллаа
Амжилтгүй боллоо. Дахин оролднл уу


Мандах Их Сургуулийн “Судлаач оюутан” баг 2-р байр эзэллээ.

Нийтэлсэн: 2018-05-03 12:46:36 Үзсэн: 950

Олон улсын магадлан итгэмжлэлийн байгууллага (ACBSP)-ын 30 жилийн ойд зориулан АНУ-ын Перегрине Академик Сервис, Манлайллын “Шонхор” академи хамтран зохион байгуулж буй “Bloomberg B-School Connection Educational Resource Center”-ийн кейс судалгаанд суурилсан "Кейс" тэмцээнд ACBSP-гийн гишүүн 18 их, дээд сургуулийн 28 баг орсноос эхний 3 байрыг шалгаруулахад СЭЗИС-ын баг 86 оноогоор 1-р байр, Мандах Их Сургуулийн “Судлаач оюутан” баг 81.6 оноогоор 2-р байр, ХААИС-ын баг 79 оноогоор 3-р байрыг тус тус эзэлсэн.

Уг тэмцээн нь оюутнуудын онол практикийн мэдлэгээ ашиглан шийдвэр гаргах, багаар ажиллах, бусдад өөрийгөө илэрхийлэх гэх мэт ур чадварыг сорьсон тэмцээн юм. Тэмцээн зохион байгуулагчийн зүгээс оюутнуудад олон улсын хөрөнгө оруулалтын зах зээл дээр үйл ажиллагаа явуулдаг бодит компаний мэдээллийг англи хэл дээр өгсний дагуу  21 хоногийн хугацаанд стратегийн оновчтой шийдвэр гаргахын тулд интернэтийн эх сурвалж дээр үндэслэн мэдээллийн баазаа өргөтгөн, анализ судалгаа хийн нийт 6 асуултын хүрээнд илтгэлээ бэлтгэн танилцуулсан. 

Мандах Их Сургуулийн Судлаач оюутан багийн удирдагчаар ЭЗБТ-ийн багш Б.Сайнжаргал, ахлагчаар НББ-АХ 4-р курсын оюутан Б.Амгалан, гишүүдээр НББ-татвар 3-р курсын оюутан О.Мишээл, НББ-Аудит 3 курсын оюутан Т.Мөнх-Учрал, НББ-Аудит 2-р курсын оюутан Г.Бат-Эрдэнэ нар оролцлоо.

Амжилттай оролцсон оюутнууддаа сурлага, хөдөлмөрийн өндөр амжилт хүсье.

Сургуулийн захиргаа

Шинэ мэдээ